Stíll
Hönnunarkeppnin Stíll var fyrst haldin árið 2000 í Digranesi
Stíll er hönnunarkeppni á vegum Samfés fyrir ungmenni í 8.–10. bekk grunnskóla. Keppnin hefur verið haldin um árabil og er ein af föstum stoðum viðburðastarfs Samfés á sviði skapandi tómstundastarfs.
Keppnin er ætluð félagsmiðstöðvum, þar sem hver félagsmiðstöð getur sent eitt keppnislið skipað 2–4 einstaklingum, þar á meðal módeli. Þátttaka í keppninni er í mörgum tilvikum unnin í samstarfi við grunnskóla. Mikilvægt er þó að skráning fari alltaf fram í gegnum viðkomandi félagsmiðstöð og með vitund og samþykki hennar.
Keppendur vinna að hönnun fatnaðar, hárs og förðunar og útfæra heildarhönnun sem sýnd er á sviði á keppnisdegi. Allur sýnilegur klæðnaður skal vera hannaður af keppnisliðinu og allur undirbúningur módel fer fram á afmörkuðu keppnissvæði á staðnum.
Hluti keppninnar er skil á hönnunarmöppu þar sem vinnuferli hönnunar er rakið, frá hugmynd að lokaafurð. Dómnefnd metur hönnunina á grundvelli sviðssýningar og þeirra gagna sem liggja fyrir í hönnunarmöppunni.
Veitt eru verðlaun í nokkrum flokkum, meðal annars fyrir heildarhönnun, hönnunarmöppu, förðun og hár. Keppnin fer fram samkvæmt fyrirfram skilgreindum reglum og dagskrá sem send er þátttakendum í aðdraganda viðburðarins.
Reglur
-
Lágmarksfjöldi starfsmanna er einn starfsmaður á móti 17 unglingum. Þetta er sett til að tryggja eftirlit, stuðning og að allir þátttakendur hafi öruggt aðgengi að aðstoð ef á þarf að halda.
-
Allir þátttakendur þurfa að mæta og fara heim með sínum félagsmiðstöðva starfsmanni.
-
SamFestingurinn er alfarið tóbaks-, áfengis- og vímuefnalaus. Þátttakendur sem hafa í vörslum sínum eða neyta slíkra efna geta átt á hættu að vera vísað frá viðburðinum.
-
Allar almennar reglur Samfés gilda á SamFestingnum og ber starfsfólki félagsmiðstöðva að kynna þær fyrir þátttakendum sínum áður en haldið er á viðburðinn.
-
Öllum nánari upplýsingum, s.s. um dagskrá og general prufur er miðlað beint til aðildarfélaga Samfés. Félagsmiðstöðvar bera ábyrgð á að miðla þessum upplýsingum áfram til unglinganna, foreldra/forráðamanna og grunnskóla þeirra.
-
Starfsfólk félagsmiðstöðva ber ábyrgð á sínum hópi allan viðburðinn, bæði á meðan á dagskrá stendur og í rútu/stærtó samgöngum til og frá.
-
Starfsfólk félagsmiðstöðvana sinnir gæslu á viðburðinum til að tryggja að allt fari fram með eðlilegum hætti. Þátttakendur þurfa að virða fyrirmæli starfsfólks, gæslufólks og skipuleggjenda á öllum tímum.
Saga Stíls
-
Hver félagsmiðstöð getur sent eitt keppnislið, skipað 2–4 einstaklingum, þar á meðal módeli.
Keppendur skulu vera í 8.–10. bekk grunnskóla.
Ef fleiri lið taka þátt í undankeppni er mögulegt að sækja um undanþágu til að skrá fleiri lið í aðalkeppni.
Skráning skal alltaf fara fram í gegnum félagsmiðstöð og með vitund hennar.
-
Klæðnaður
Allur sýnilegur klæðnaður skal vera hannaður af keppnisliðinu, þar með talið skófatnaður.
Heimilt er að breyta eldri skóm til samræmis við heildarhönnun.
Klæðnaður skal hylja að lágmarki þriðjung líkamans.
-
Undirbúningur og vinnusvæði
Allur undirbúningur módel, þar með talið hár og förðun, skal fara fram á afmörkuðu keppnissvæði á keppnisstað.
Ekki er heimilt að undirbúa módel fyrirfram, þar með talið neglur, eigið hár eða hárkollur.
Öll utanaðkomandi aðstoð á keppnisstað er óheimil, þar á meðal aðstoð frá starfsmönnum, foreldrum eða öðrum.
-
Augnlinsur
Litaðar augnlinsur eru bannaðar, þar sem þær geta valdið óþægindum eða augnsýkingum.
-
Hönnunarmappa
Hönnunarmappa skal afhent við skráningu á keppnisstað.
Mappan skal vera merkt nafni félagsmiðstöðvar, annaðhvort á fyrstu síðu eða aftast.
Í möppunni skal koma fram vinnuferli hönnunar, ásamt viðeigandi skýringum, teikningum og upplýsingum um efni.
-
Efniskostnaður
Heildarkostnaður við hönnun má ekki vera hærri en 25.000 krónur.
Æskilegt er að heildarkostnaður og sundurliðun hans komi fram í hönnunarmöppunni.
Starfsfólk félagsmiðstöðva ber ábyrgð á að fylgjast með efniskostnaði keppnisliða.
-
2001 Töfrar í Digranesi
2002 Hafið
2003 Eldur
2004 Litir
2005 Rusl
2006 Móðir Jörð
2007 Íslensku þjóðsögurnar
2008 Framtíðin í Smáranum
2009 Endurvinnsla í Vetrargarðinum
2010 Tilfinningar í Vetrargarðinum
2011 Ævintýri í Ýmishúsinu
2012 Framtíðin í Hörpu
2013 Fortíðin í Hörpu
2014 Tækni í Hörpu
2015 Náttúra
2017 Gyðjur og goð
2018 Drag
2019 90´s
2020 Disney
2021 Sirkus
2022 Geimurinn
2023 Gylltur glamúr
2024 Steam Punk
2025 Sjóræningjar karabískahafsins
2026 Viktoríu tímabilið
2027 Skrímsli
-
2001?
2002 Arnardalur Akranes
2003 Mekka Kópavogi
2004 Setrið Hafnarfirði
2005 Mekka Kópavogi
2006 Friður Sauðárkrókur
2007 Mekka Kópavogi
2008 Garðalundur Garðabær
2009 Óríón Hvammstanga
2010 Garðalundur Garðabær
2011 Zero Flúðir
2012 Rauðagerði Vestmannaeyjar
2013 Mosinn Hafnarfjörður
2014 Garðalundur Garðabær
2015 Klakinn Garðabær
2016 Enginn keppni þetta árið
2017 Pegasus Kópavogi
2018 Neon Fjallabyggð
2019 Féló Vestmannaeyjar
2020 Þeba Kópavogi
2021 Garðalundur Garðabær
2022 Arnardalur Akranes
2023 Órion Hvammstanga
2024 Skarðið Hafnafjörður
2025 Garðalundur Garðabær
2026 Féló Vestmannaeyjar
2027 ---
Stíls handbókin
