UNGMENNARÁÐ SAMFÉS

Tillaga um stofnun ungmennaráðs Samfés var samþykkt á aðalfundi Samfés í Ólafsvík 27. apríl 2006. Formlega tók ungmennaráðið til starfa eftir Landsmóti Samfés sem haldið var í Garðinum á Suðurnesjum 2006. Ungmennaráð Samfés er lýðræðislega kjörið ráð ungmenna á aldrinum 13-16 ára (8. – 10. bekkur) alls staðar að af landinu.

Kosningar í Ungmennaráð Samfés fara árlega fram á Landsmóti Samfés. Alls er kosið í 9 kjördæmum, þar sem 18 fulltrúar eru kosnir til tveggja ára og 9 fulltrúar til eins árs. Þannig eru fulltrúar ráðsins 27 talsins. Allir þátttakendur á Landsmóti hafa rétt til að bjóða sig fram í ungmennaráðið, þá hver fyrir sitt kjördæmi.

Starfsmenn Ungmennaráðs Samfés eru Guðmunda Bergsdóttir og Sölvi Andrason, aðstoðarforstöðumaður í félagsmiðstöðinni Fókus. 

Tilgangur ungmennaráðs Samfés er að: 

  • Efla þátttöku ungmenna í félagsmiðstöðvastarfi.
  • Auka jafningjafræðslu.
  • Ungmenni öðlist rödd í samfélaginu svo að ekki sé allt miða við fullorðna.
  • Ungmenni hafi tengiliði á landsvísu til þess að ræða málefni sem snúa að þessum aldurshópi.
  • Efla Evrópusamstarf við önnur ungmenni.
  • Hafa áhrif á og vinna að viðburðum á vegum Samfés.
  • Hafa áhrif á fjölmiðlaumfjöllun. 

Markmið ungmennaráðs Samfés eru að: 

  • Að ungmenni komi að ákvarðanatöku samtakanna í öllum málum þeirra.
  • Að taka virkan þátt í allri ákvörðunartöku samtakanna.
  • Að gæta hagsmuna ungmenna í öllum málum s.s. umfjöllun, réttindamálum o.s.frv.
  • Að það sé ekki brotið á ungmennum varðandi réttindi þeirra og hagsmuni.
  • Að skapa grundvöll til þess að ungmenni geti komið saman og komið sínum skoðunum á framfæri.
  • Að halda árlegt landsþing og koma niðurstöðum áleiðis.
  • Að efla samfélagslega vitund ungmenna og efla lýðræðislega þátttöku.
  • Efla samband félagsmiðstöðva og ungmenna á landsvísu.
  • Að fræða önnur ungmenni um hvernig þau geti tekið þátt í lýðræðislegu samfélagi.
  • Bera ábyrgð á að efla félagslíf sem höfðar til allra hópa.
  • Vera meðvituð um skoðanir annarra. Það hafa ekki allir sama smekk og þú.
  • Tryggja áframhaldandi aðkomu ungs fólks að allri ákvörðunartöku og stefnumótun Samfés.
  • Tveir fulltrúa ungmennaráðsins mæti á og taka virkan þátt á öllum stjórnarfundum Samfés.
  • Að vera ráðgjafar í stefnumótun í öllum málefnum sem varða ungt fólk.