Söngkeppni Samfés
Söngkeppni Samfés hefur verið haldin frá árinu 1992 og fór fram í Danshúsinu Glæsibæ. Í gegnum árin hefur söngkeppninn stækkað samhliða fjölgun félagsmiðstöðva. Árið 2001 var ákveðið að tengja söngvakeppnina við Samfés ballið og er því Söngkeppni Samfés einn af viðburðum SamFestingsins sem haldin er í mars ár hvert. Söngkeppnin hefur verið mikilvægur viðburður í starfi Samfés allt frá því hún var haldin í fyrsta sinn. Á Söngkeppninni gefst unglingum kostur á að koma fram og syngja fyrir framan jafnaldra sína og alla landsmenn þar sem keppninni er oftast sjónvarpað í beinni útsendingu. Í núverandi skipulagi komast þrjátíu atriði í lokakeppnina að undangengnum forkeppnum í hverjum landshluta. Einnig er kosið um Rödd fólksins þar sem fólki gefst tækifæri til að kjósa í netkosningu um það atriðið sem því fannst best.
Miðað við gæði keppenda á söngkeppni Samfés síðustu ár þá erum við fullviss um að framtíð íslenskrar tónlistar er í góðum höndum. Það sést best á því að sumir af okkar fremstu tónlistarmönnum hafa stigið sín fyrstu skref opinberlega í Söngkeppni Samfés.
Fyrir frjáls félagasamtök eins og Samfés, að halda viðburð eins og söngkeppni, þarf margar hendur og erum við í samstarfi við fjölmarga frábæra aðila sem gera það mögulegt fyrir Samfés geti að halda þessa glæsilegu keppni.
Keppendur á Söngkeppni Samfés 2021