Hönnunarkeppnin Stíll fór fram laugardaginn 14. mars í íþróttahúsinu Fagralundi í Kópavogi. Stíll er hönnunarkeppni fyrir ungmenni í 8.–10. bekk grunnskóla og hefur um árabil verið ein af föstum stoðum viðburðastarfs Samfés á sviði skapandi tómstundastarfs.

Í aðdraganda keppninnar vinna liðin að heildarhönnun sem samanstendur af fatnaði, hári og förðun. Á keppnisdegi er hönnunin svo kynnt á sviði þar sem módelið sýnir lokaafurðina. Allur sýnilegur klæðnaður þarf að vera hannaður af keppnisliðinu sjálfu og undirbúningur módels fer fram á afmörkuðu keppnissvæði á staðnum.

Danskeppni Samfés fór fram föstudaginn 6. febrúar í félagsmiðstöðinni Garðalundi og tókst einstaklega vel. Mikil stemning ríkti í salnum og greinilegt var að keppendur höfðu lagt mikla vinnu og metnað í atriðin sín.

Föstudaginn 16. janúar 2026 fór fram Samfés-Con í Sjálandsskóla í Garðabæ og var viðburðurinn afar vel sóttur. Alls tóku 240 starfsmenn félagsmiðstöðva og ungmennahúsa víðsvegar af landinu þátt í deginum sem var tileinkaður fræðslu, miðlun reynslu og innblæstri í ungmennastarfi. 

Samfés fagnaði 40 ára afmæli með hátíð í Höfuðstöðinni

Samfés, landssamtök félagsmiðstöðva og ungmennahúsa á Íslandi, fögnuðu 40 ára afmæli sínum þriðjudaginn 9. desember með veglegri afmælishátíð í Höfuðstöðinni.

Á hátíðinni var farið yfir sögu samtakanna og þeirra sem hafa lagt sitt af mörkum til þess að gera æskulýðs- og forvarnarstarf að því öfluga starfi sem við þekkjum í dag. Heiðraðir voru frumkvöðlar og einstaklingar sem hafa mótað starfið í gegnum tíðina og skapað öruggan og styrkjandi vettvang fyrir ungmenni víðsvegar um landið.

Rímnaflæði, rappkeppni félagsmiðstöðva, fór fram föstudagskvöldið 21. nóvember í Fellahelli í Fellaskóla og var viðburðurinn vel sóttur með um 200 áhorfendum. Alls stigu sex atriði á svið og fluttu frumsamda tónlist og texta sem þau höfðu unnið af mikilli yfirvegun og sköpunargleði. Keppendur lögðu sig hart fram við að semja, móta og útfæra eigið efni og endurspeglaði keppnin það vel með fjölbreyttum og metnaðarfullum flutningi frá öllum þátttakendum. Rímnaflæði er mikilvægur vettvangur fyrir ungmenni til að tjá sig á eigin forsendum, koma hugmyndum sínum á framfæri og sýna styrk sinn í skapandi starfi.

Samfés LAN 16+ – frábær stemning og flott framtak ungs fólks

Samfés LAN 16+ fór fram laugardaginn 8. nóvember í Ungmennahúsinu Molanum og tókst einstaklega vel. Fulltrúaráð Samfés tók að sér skipulagningu viðburðarins.